දාහතර පිපෙනවාද?

රතු රෝස දන්නවද

කොහෙද උඹ යන්නෙ හෙට?

වීදියේ කෙලවරක

දෙගුණ කර මිල ගනන්

එකතු කර මිටි බැදන්

උන් උඹව හැඩ කරන්...

කාසි මිටි මලු ගනන්

උඹ හින්දා තර කරන්

මල්සරා පාවලා උඹව

උන් උඹව විකුනගන්...

ජැන්ඩියට ටයි දමා

මල් මිටක් අත අරන්

සමනල්ලු පියාඹයි

විහිලුවක් පෙම කරන්...

මහ හඩින් හඩ ගගා

රගන පෙම දැක්කාද?

ආදරේ බිoදුවක්

උන් අතරෙ තිබ්බාද?

රතු රෝස අත තබා

දුන් හාදු ඇත්තක්ද?

ඇත්තටම දවසකට

ප්‍රේමයම කොටුවීද?

ආදරේ සමරන්න

දින අපිට ඕනෙමද?

ප්‍රේමයේ නාමයට

රතු මලක් වටිනවද?

සුවද අස්සේ ඔය

ආදරේ තියෙනවද?

කලින් දන්නවානම්

දාහතර පිපෙනවාද?